ԱԳՐԻ ՔԵՄՓ ծրագրի շրջանակում սիրով հրավիրում ենք գինեգործներին, այդ թվում նաև EVN գինու ակադեմիայի շրջանավարտ գինեգործներին, մասնակցելու «‎Երևանի Գինու Օրեր» 2023 փառատոնին:

Ծրագրի շրջանակում մասնակից գինեգործներին կտրամադրվի երկու միասնական տաղավար: Յուրաքանչյուր տաղավարի չափսերն են՝ 6մ x 3մ:

Փառատոնին միասնական տաղավարով մասնակցող ընկերությունները կարող են՝

• ներկայացնել նախընտրած գինիները,
• գինիներից բացի ներկայացնել այլ բրենդավորված նյութեր՝ թռուցիկներ, բուկլետներ և այլն:

Գինեգործների մասնակցության ծախսերը հոգում է ԱԳՐԻ ՔԵՄՓ ծրագիրը:

Փառատոնը տեղի է ունենալու 2023 թ. հունիսի 2-ից 4-ը:

Հայտերն ընդունվում են մինչև ս.թ. մարտի 27-ը ներառյալ: Մասնակցության հայտ ներկայացնելու համար, խնդրում ենք լրացնել հետևյալ ձևը՝  Հայտը։

Հայտադիմումի հետ կապված հարցերի դեպքում կարող եք զանգահարել (+374)  98 225787  հեռախոսահամարով։