Ստարտափ գաղափարի նորարարությունը. «Սնկարար» ստարտափ նախագծի նպատակն է արտադրել էկոլոգիապես մաքուր եղեգի ծղոտից կախասնկի պարկեր, որոնք կառանձնանան որակով և արտադրողականությամբ՝ ի համեմատ շուկայում առկա ցորենի ծղոտից պատրաստված պարկերից:

AgriThon2-ի շրջանակում զրուցեցինք «Սնկարար» ստարտափ նախագծի հիմնադիր Հրաչ Մինասյանի հետ:

AgriThon2-ի Ինկուբացիայի առաջին փուլի մասնակցություն        

• ԱԳՐԻ ՔԵՄՓ ծրագրի շրջանակում իրականացվող AgriThon2-ի Ինկուբացիաներին մասնակցությունը օգնեց ինձ ավելի ճիշտ գնահատել իմ ստարտափը։ Ես ստացա մեծ գիտելիքների պաշար և ձեռք բերեցի նոր հմտություններ, որոնք ինձ հետագայում կօգնեն զարգացնել իմ ստարտափը։

Ստարտափ գաղափարը կոչված է լուծել հետևյալ խնդիրները.      

• Այսօր մարդիկ առողջ և վիտամիններով հարուստ սննդի կարիք ունեն:
• Կախասունկի արտադրությամբ զբաղվող ընկերությունները հիմնականում օգտագործում են ցորենի ծղոտ կամ դրսից ներկրված հումք: Մենք սպառողներին առաջարկում ենք մաքուր եղեգի հումքի վրա աճեցված, ինկուբացիոն շրջան անցած, առանց թունաքիմիկատների, մատչելի պատրաստի պարկեր:
• Մեր ստարտափի առավելությունը կայանում է հումքի ընտրության հարցում։ Եղեգի ծղոտը լայնորեն առկա է մեր տարածաշրջանում։ Այն ապահովում է կախասնկերի բարձր բերքատվություն յուրաքանչյուր պարկի հաշվով:
• Առաջարկում ենք նաև թարմ, էկոլոգիապես մաքուր, արտաքնապես գեղեցիկ փաթեթավորված կախասունկ:
• Մեր արտադրանքը հասանելի է տարվա բոլոր եղանակներին։

 

 Թիմի ղեկավար՝ Հրաչ Մինասյան

Ստարտափի գործունեության հասցե՝ Սյունիք մարզ, Սիսիան, գ․ Ախլաթյան

 

*AgriThon-ը գյուղատնտեսական ոլորտում նորարարական լուծումներով ստարտափ գաղափարների մրցույթ է, որն իրականացնում է ICARE-Armenia հիմնադրամը՝ ԱՄՆ ՄԶԳ-ի ֆինանսավորմամբ գործող ԱԳՐԻ ՔԵՄՓ ծրագրի շրջանակում։

#AgriThon #AGRI_CAMP #ICARE #StartUP #USAID