Ստարտափ նախագծի նորարարությունը

Հավելվածի ստեղծում, որը մեկ հարթակում կհամախմբի գինի սիրողներին, գինի արտադրողներին եւ վաճառողներին, ապահովելով յուրահատուկ միջավայր` ծանոթացման, տեղեկատվության տարածման ու վաճառքի համար։

AgriThon1-ի շրջանակում զրուցեցինք «My Wine App» ստարտափ նախագծի ղեկավար Նաիրի Գրիգորյանի հետ.

Ստարտափ գաղափարի մասին 

- Գաղափարն առաջացավ 2014-16թթ․, երբ ես EVN գինու ակադեմիայի ուսանող էի։ Ուսման տարիների ընթացքում ավելի խորը ուսումնասիրելով հայկական գինեգործությունը եւ հայկական գինու շուկան, ես բացահայտեցի, որ գինի արտադրող փոքր գործարանների գինիներին քչերն են ծանոթ: Փոքր արտադրողները չունեն իրենց գինիներին ծանոթացնող կայք եւ սոցցանցերում նրանք ակտիվ չեն: Արդյունքում գինու փոքր գործարանների արտադրանքը քիչ է վաճառվում:

- Տարիների ընթացքում ես հանդիպեցի համախոհների, որոնց հետ սկսեցինք մտածել, թե ինչպես կարող ենք օգնել գինու փոքր արտադրողներին:

- Այսպես ստեղծվեց բարձրակարգ մասնագետների մեր թիմը ու մենք որոշեցինք մեր «My Wine App» ստատափ գաղափարով դիմել AgriThon1-ին:

- «My Wine App»-ի հիմնական նպատակն է ստեղծել հավելված, որը մեկ հարթակում կհամախմբի գինի սիրողներին, գինի արտադրողներին եւ վաճառողներին, ապահովելով յուրահատուկ միջավայր` ծանոթացման, տեղեկատվության տարածման ու վաճառքի համար։

- Հայկական շուկայում նման հավելվածի նախադեպը դեռեւս գոյություն չունի: Հավելվածում հասանելի կլինեն.

• • գինիների մասին մասնագիտական տեղեկատվություն (խաղողի տեսակը եւ աճեցման շրջանը, տարեթիվը, ինչպես նաեւ տվյալ գինու համադրությունը սննդի տեսակների հետ);
  • գինեսերների ու սոմելյեների հրապարակված կարծիքները;
  • վարկանիշային տվյալներ
  • գինի պատվիրելու հնարավորություն:

Ակնկալիքները

- Ապագայում նախատեսում ենք ունենալ ամրագրումների համակարգ` գինու համտեսի սրահների, գինու տուռեր անցկացնողների եւ գինու փառատոններ կազմակերպողների հետ։

- Հավելվածը կլինի եռալեզու:

- Հետագայում տվյալների բազայում կներառվեն հայկական շուկայում առկա բոլոր գինիները ու նոր գինիների տեսակները:

AgriThon մրցույթի Ինկուբացիայի առաջին փուլի մասին 

- Համագործակցելով AgriThon1-ի մենթորների հետ ու մասնակցելով մրցույթի հեռահար դասընթացներին, մեզ հաջողվեց լավագույնս հստակեցնել մեր գաղափարը եւ դարձնել այն ավելի իրագործելի։ Մեր ստարտափ գաղափարը AgriThon-ի շնորհիվ դարձավ լիարժեք բիզնես ծրագիր: Դրան նպաստեցին նաեւ AgriThon-ի շնորհիվ ձեռքբերված բազմաթիվ անձնական կապերն ու ծանոթությունները, - ասաց թիմի ղեկավարը։

Թիմի անդամներ՝ Նաիրի Գրիգորայան (թիմի ղեկավար), Արմեն Սիմոնյան, Աստղիկ Բարսեղյան, Լիլիթ Մնացականյան, Գագիկ Սիմոնյան, Միքայել Միքայելյան

ք. Երևան

AgriThon-ը գյուղատնտեսական ոլորտում նորարարական լուծումներով ստարտափ գաղափարների մրցույթ/հարթակ է, որն իրականացնում է ICARE հիմնադրամը՝ ԱՄՆ ՄԶԳ-ի ֆինանսավորմամբ գործող ԱԳՐԻ ՔԵՄՓ ծրագրի շրջանակում։

#AgriThon1 #AGRI_CAMP #ICARE #StartUP